Matteo Genduzi: “Fənərbağça xüsusi bir ailədir”.
90plus.az xəbər verir ki, “Fənərbağça”nın yeni transferi Matteo Genduzi klubdakı ilk təəssüratlarını bölüşüb. Fransalı yarımmüdafiəçi İstanbul təmsilçisinə qoşulduqdan dərhal sonra özünü xüsusi bir mühitin içində hiss etdiyini bildirib.
Genduzi bildirib ki, əsas rəqibə qarşı final qələbəsi onun üçün çox şey ifadə edir:
“Artıq hiss edirəm ki, xüsusi bir kluba, xüsusi bir ailəyə gəlmişəm. Ən böyük rəqibimizə qarşı finalı qazanmaq, bu rəngləri geyinərək qol vurmaq və cəmi iki gündən sonra birlikdə mübarizə aparmaq mənim üçün çox dəyərlidir.”
26 yaşlı futbolçu bu yolun yalnız başlanğıc olduğunu vurğulayıb:
“Bu səyahətə sizinlə belə başlamaqdan qürur duyuram. Bu, sadəcə başlanğıcdır. Ən yaxşısı hələ qarşıdadır. Acam, motivasiyalıyam və bu klub, bu rənglər üçün hər şeyimi verməyə hazıram.”
Qeyd: Matteo Genduzi bu il yanvarın 8-də İstanbul klubu ilə 2029/30 mövsümünün sonuna qədər müqavilə imzalayıb. Razılaşmada əlavə bir il uzatma opsiyası da yer alır. Transferin məbləği bonuslarla birlikdə 26 milyon avro + 2 milyon avro təşkil edib.
