UEFA Konfrans Liqasının 2025/2026 mövsümü üzrə pley-off mərhələsinin püşkatma mərasimi baş tutub.

90plus.az xəbər verir ki, turnirin Liqa mərhələsini 9–24-cü pillələrdə tamamlayan komandalar pley-off raundunda mübarizə aparmaq hüququ qazanıblar.

Aparılan püşkatma nəticəsində pley-off mərhələsində qarşılaşacaq 8 cütlük müəyyənləşib. Bu raundu uğurla keçən klublar birbaşa 1/8 finala vəsiqə əldə etmiş komandalarla üz-üzə gələcəklər.

Pley-off mərhələsinin ilk oyunları 19 fevralda, cavab görüşləri isə 26 fevral tarixində keçiriləcək.

Püşkatmanın nəticələri belədir:

“KuPS” (Finlandiya) – “Lex” (Polşa)
“Zrinski” (Bosniya və Herseqovina) – “Kristal Pelas” (İngiltərə)
“Şkendiya” (Şimali Makedoniya) – “Samsunspor” (Türkiyə)
“Siqma” (Çexiya) – “Lozanna” (İsveçrə)
“Noa” (Ermənistan) – “AZ Alkmaar” (Niderland)
“Yagelloniya” (Polşa) – “Fiorentina” (İtaliya)
“Drita” (Kosovo) – “Selye” (Sloveniya)
“Omoniya” (Kipr) – “Riyeka” (Xorvatiya)

Qeyd: UEFA Konfrans Liqasının son çempionu İngiltərənin “Çelsi” klubudur.