Amad Diallo və Brian Mbemo “Mançester Yunayted”in məşqlərinə qayıdıblar. Bu gün Maykl Karrik və onun məşqçi heyəti Karrinqton bazasında ilk məşqlərini keçiriblər.

90plus.az xəbər verir ki, hər iki oyunçu Afrika Millətlər Kubokunda iştirak edib və turnirin 1/4 finalına qədər irəliləyiblər. Kot-d’İvuar və Kamerun yığmalarının turnirdən kənar qalmasından sonra onlar şənbə günü “Mançester Siti” ilə keçiriləcək derbiyə hazırlaşmaq üçün “qırmızı şeytanlar”ın bazasına dönüblər.

Nussair Mazraui isə hələ komandaya qoşulmayıb, çünki o, Afrika Millətlər Kubokunun final mərhələsinə yüksəlmək uğrunda Mərakeş millisində Nigeriya ilə qarşılaşacaq. Oyunun başlama vaxtı Bakı vaxtı ilə saat 00:00-dır.