Verratti yenidən İtaliya millisində oynaya bilər.

90plus.az xəbər verir ki, Marko Verrattinin İtaliya millisində geri dönüşü gündəmə gəlib. Məlumata görə, təcrübəli yarımmüdafiəçi milli komandanın məşqçilər heyəti ilə görüşüb və özünü yenidən millidə oynamağa tam hazır hiss etdiyini bildirib.

Futbolçu fiziki və psixoloji baxımdan yaxşı durumda olduğunu vurğulayıb və qarşıdakı vacib oyunlarda komandaya kömək edə biləcəyini qeyd edib.

İndi yekun qərar baş məşqçi Cennaro Qattuzoya məxsusdur. Mütəxəssis mart ayında keçiriləcək və böyük əhəmiyyət daşıyan Dünya Çempionatının seçmə mərhələ oyunları öncəsi Verrattini heyətə cəlb edib-etməmək barədə qərar verəcək.

Qeyd: Verratti uzun müddətdir İtaliya millisindən kənarda qalıb.