Moyses Kaysedo "Çelsi”də maaş artırımı üçün rəsmi müraciət edib.

90plus.az xəbər verir ki, “Çelsi”nin yarımmüdafiəçisi Moyses Kaysedo və nümayəndələri klubla müqavilənin yenilənməsi və maaşın artırılması üçün rəsmi müraciət ünvanlayıblar. Məlumata görə, Kaysedonun hazırkı müqaviləsi 2031-ci ilə qədərdir, lakin futbolçunun nümayəndələri hesab edirlər ki, bu müqavilə onun klubdakı əsl dəyərini əks etdirmir.

Hazırda Kaysedo həftəlik 130 000 funt sterlinq qazanır ki, bu da bonuslarla birlikdə təxminən 8,5 milyon funt sterlinq illik gəlir deməkdir. Nümayəndələr futbolçunun mövqeyində dünyanın ən önəmli oyunçularından biri olduğunu vurğulayır və onun buna uyğun qiymətləndirilməsini istəyirlər.

“Çelsi” rəhbərliyi yeni müqavilə ilə bağlı müzakirələr aparmağı planlaşdırır. Gözlənilir ki, yeni razılaşma maaş artımı və əlavə illəri əhatə edəcək.

Qeyd: Kaysedoya bir neçə top klub maraq göstərsə də, o “Çelsi”də qalmaq və klub üçün oynamağa davam etmək niyyətindədir.