“Neftçi”də Yuri Vernidubun gəlişindən sonra komanda məğlubiyyət üzü görmür. Paytaxt təmsilçisi yeni baş məşqçi ilə keçirdiyi 4 oyunda 2 qələbə və 2 heç-heçə əldə edib.

90plus.az xəbər verir ki, Misli Premyer Liqasının 18-ci turu çərçivəsində “Neftçi” bu gün Naxçıvan təmsilçisi “Araz”ın qonağı olub və rəqibini böyük hesabla məğlub edib – 0:4.

Görüşdə hesabı 4-cü dəqiqədə İvan Ribeyro açıb. İlk hissənin sonlarına yaxın, 40-cı dəqiqədə B. Sambu fərqi iki topa çatdırıb. Oyunun son hissəsində isə “ağ-qaralar” üstünlüyünü tam şəkildə ortaya qoyub. 84-cü dəqiqədə A. Curci, matçın əlavə olunmuş dəqiqələrində (90+2) isə Abubakar adını tabloya yazdırıb.

Bu qələbə ilə “Neftçi” Vernidub rəhbərliyi altında uğurlu seriyanı davam etdirərək turnir cədvəlində mövqeyini daha da möhkəmləndirib.

MATÇDA VURULAN QOLLARA BU CÜMLƏYƏ KLİK EDƏRƏK KEÇİD EDİN