Tokio-2020 Yay Paralimpiya Oyunlarında iştirak edən Azərbaycan komandasının daha bir neçə üzvü Bakıya qayıdıb. 90plus.az xəbər verir ki, bununla əlaqədar Milli Paralimpiya Komitəsi, Bakı şəhər Gənclər və İdman Baş İdarəsi qarşılama mərasimi təşkil edib. Yarışda 1 qızıl və iki gümüş medal qazanan para-atlet Lamiyə Vəliyeva, Tokio-2020-ni medalsız bitirən Yuliya Yanovskaya (para-atlet) və Kamran Zeynalovla Yelena Taranovanı (hər ikisi güllə atıcılığı) Heydər Əliyev Beynəlxalq Aeroportunda idman ictimaiyyəti və yaxınları qarşılayıb. Lamiyə Vəliyeva 400 metr məsafəyə qaçışda qızıl, 100 metr məsafəyə qaçışda isə gümüş medal əldə edib.