Son günlər aqressivliyi ilə gündəmə gələn futbolçu Elvin Cəfərquliyev klubunun baş məşqçi Qurban Qurbanovu da hiddətləndirib.
90plus.az xəbər verir ki, “Qarabağ”ın baş məşqçisi oyunçusunun aqressivliyini sərt qarşılayıb, Elvini külli miqdarda cərimələməyib.
Q.Qurbanov Elbinə xəbərdarlıq edib ki, neqativ davranışına son qoymalıdır, çünki başqalarına pis örnəkdir. Yoxsa əsas heyətdəki yerini itirəcək.
Qeyd: UEFA “Qarabağ”ın futbolçusu Elvin Cəfərquliyevi iki oyunluq cəzalandırıb. Buna 23 yaşlı cinah müdafiəçisinin Bakıda “Braqa”ya qarşı keçirdikləri Avropa Liqasının pley-off mərhələsinin cavab matçında (2:3, əlavə vaxtda) hakimi təhqir etməsi səbəb olub. O, Bakıda “Bayer”ə qarşı 1/8 final mərhələsinin ilk görüşünü (2:2) buraxsa da, cavab qarşılaşmasında (2:3) meydana çıxıb. Bu o deməkdir ki, Cəfərquliyev daha bir avrokubok matçında çıxış edə bilməyəcək. Azərbaycan millisinin üzvü Leverkuzendəki matçda da qırmızı vərəqə alıb. Başqa sözlə, o, avrokuboklarda ən azı 2 oyunu buraxacaq. Diskvalifikasiyanın dəqiq neçə qarşılaşmaya sirayət edəcəyi UEFA İntizam Komitəsinin növbəti iclasından sonra müəyyənləşəcək.
Məlum olduğu kimi, Azərbaycan millisi Bakıda “FIFA series - Edition 2024” layihəsi çərçivəsində Bolqarıstanla üz-üzə gəlib. “Tofiq Bəhramov”da baş tutan oyunu estoniyalı hakimlər idarə ediblər. Tərəflər meydanı məhsuldar heç-heçə ilə tərk ediblər - 1:1. Elvin Cəfərquliyev burada da diqqət mərkəzinə düşüb. Müdafiəçi matçın ikinci hissəsində estoniyalı referi Kristo Tovherin ünvanına təhqiramiz ifadələr işlədib. Sarı kart alan Elvin final fitindən sonra da dilini dinc saxlamayıb. O, paltardəyişmə otağına yollanarkən, üzünü yenə hakimlərə tərəf tutaraq “kotostrofa” ifadəsini işlədib. Cəfərquliyevin bu hərəkətləri birmənalı qarşılanmayıb.
Mənbə: Sportinfo