“Qalatasaray” klubu futbolçu Yusuf Demirlə əməkdaşlığı dayandırıb.
90plus.az xəbər verir ki, İstanbul təmsilçisi Avstriya U-21 millisinin üzvü olan oyunçu ilə mövsümün sonunda başa çatmalı müqaviləni qarşılıqlı razılaşma yolu ilə ləğv edib. Klub 22 yaşlı vingerin müqavilə müddətinin sonuna qədər nəzərdə tutulan maaşını tam şəkildə ödəyib.
“Qalatasaray” Yusuf Demiri 2022-ci ilin yay transfer dönəmində “Rapid” klubundan heyətinə qatmışdı. Futbolçu bu mövsüm “sarı-qırmızılar”ın heyətində 3 rəsmi qarşılaşmada iştirak edərək 125 dəqiqə meydanda olub.
