İspaniya La Liqasında 2025/26 mövsümünün 22-ci turu çərçivəsində “Real Madrid” öz meydanında “Rayo Valyekano”nu 2:1 hesabı ilə məğlub edib.

90plus.az xəbər verir ki, “Santyaqo Bernabeu” stadionunda keçirilən qarşılaşma olduqca dramatik alınıb. Oyunda qalibiyyət qolunu 90+10-cu dəqiqədə Kilian Mbappenin dəqiq yerinə yetirdiyi penalti zərbəsi müəyyənləşdirib.

Qonaq komanda “Rayo Valyekano” matçı 9 nəfərlə başa vurub. Ciss 80-ci dəqiqədə, Çavarria isə 90+14-cü dəqiqədə qırmızı vərəqə alaraq meydandan kənarlaşdırılıb.

Bu qələbə sayəsində “Real Madrid” xalını 54-ə çatdırıb və lider “Barselona”dan cəmi 1 xal geri qalaraq ikinci pillədə qərarlaşıb. Madrid klubu növbəti turda səfərdə “Valensiya” ilə üz-üzə gələcək.

MATÇDA VURULAN QOLLARA BU CÜMLƏYƏ KLİK EDƏRƏK KEÇİD EDİN