“Tottenhem” Tomas Frankla yolları ayırmağın astanasındadır.
90plus.az xəbər verir ki, “Tottenhem” rəhbərliyi baş məşqçi Tomas Frankı vəzifəsindən azad etməyi ciddi şəkildə nəzərdən keçirir. Qərarın bazar ertəsi günü rəsmi şəkildə açıqlanacağı gözlənilir.
London təmsilçisinin Premyer Liqada son dövrdəki uğursuz çıxışı danimarkalı mütəxəssisin postunu təhlükə altına salıb. Belə ki, “Tottenhem” liqada keçirilən son 21 oyunda cəmi 5 qələbə qazana bilib.
Komandanın zəif nəticələri turnir cədvəlində də öz əksini tapıb. Hazırda “Tottenhem” Premyer Liqada 14-cü pillədə qərarlaşıb.
Qeyd: Klub rəhbərliyi mövsümün qalan hissəsində vəziyyəti dəyişmək üçün texniki heyətdə radikal addımlar ata bilər.
