“Trabzonspor”un yarımmüdafiəçisi Krist İnao Ulainin Super Liqa daxilində klubunu dəyişmək ehtimalı yaranıb.
90plus.az xəbər verir ki, “Qalatasaray” Fil Dişi Sahili millisinin üzvünü heyətinə qatmaq niyyətindədir. Bu barədə jurnalist Ali Naci Küçük məlumat paylaşıb.
İstanbul klubu Ulai üçün “Trabzonspor”a 20 milyon avro və Ahmed Kutucu təklif edib. Qara dəniz təmsilçisi isə 19 yaşlı futbolçuya görə 30 milyon avro tələb edir. Tərəflər arasında danışıqlar hazırda davam edir.
“Trabzonspor” Krist İnao Ulaini mövsümün əvvəlində “Bastiya” klubundan 5,5 milyon avroya transfer edib. Gənc yarımmüdafiəçi indiyədək Super Liqa təmsilçisinin heyətində keçirdiyi 11 rəsmi oyunda 2 qol vurub və 3 məhsuldar ötürmə ilə yadda qalıb.
