“Real Madrid”in baş məşqçisi Xabi Alonso Endrikin mövsümün sonuna qədər “Lion”a icarəyə göndərilməsi ilə bağlı fikirlərini bölüşüb.

90plus.az xəbər verir ki, ispaniyalı mütəxəssis bunun Endrikin xeyrinə olduğunu bildirib:

“Karyerasının bu mərhələsində onun oynamağa ehtiyacı var və klubun orta müddətli perspektivdə ona investisiya etmək istəməsini başa düşürəm ki, inkişaf etsin. Əgər bu, onun futbolçu kimi böyüməsinə imkan verirsə… deməli, ‘Real Madrid’ düzgün addım atır. Bobbini başa düşürəm və onu çox yaxından izləyəcəyik.”

ℹ️ Endrik mövsümün ilk yarısında Xabi Alonsonun rəhbərliyi altında əsasən ehtiyatda qalıb və bütün turnirlərdə cəmi üç oyunda meydana çıxıb.