Türkiyə Futbol Federasiyası Azərbaycan millisinin üzvü Ramil Şeydayevin çıxış etdiyi "Kocaelispor"u cəzalandırıb. 90plus.az xəbər verir ki,  azarkeşlərin 1-ci liqanın 28-ci turunda "Göztepe" ilə matçdakı davranışları bu qərara səbəb olub. "Kocaelispor" növbəti ev oyununu - "Bitexen Giresunspor"la matçını azarkeşsiz keçirəcək. Həmçinin klub 112 min TL məbəğində cərimələnib. Qeyd : "Kocaelispor" 1-ci liqa 29 turdan sonra 49 xal toplayıb və turnir cədvəlinin 4-cü pilləsində qərarlaşıb.