Dünyanın ən yaxşı yerli çempionatlarının illik reytinq cədvəli açıqlanıb. 90plus.az xəbər verir ki, Beynəlxalq Futbol Tarixi və Statistikaları Federasiyasının (İFFHS) hazırladığı siyahıda 80 liqa yer alıb. Onların arasında Azərbaycan çempionatı - Misli Premyer Liqası da var. Aktivində 349,25 xal olan liqamız cəvəldə 41-ci pillədə qərarlaşıb. Azərbaycan çempionatı ötən reytinqlə müqayisədə 19 pillə irəliləyib. Sıralamaya Braziliya A seriyası liderlik edir (1181 xal). Avropanın "TOP-5" çempionatlarından İngiltərə Premyer Liqası 2-ci (1086 xal), İspaniya La Liqası 3-cü (967,5 xal), Almaniya Bundesliqası 4-cü (921,5 xal), İtaliya A seriyası 5-ci, (866 xal) Fransa Liqa 1-i 6-cıdır (855 xal). Türkiyə Superliqası isə bu siyahıda 582,5 xalla 15-ci yeri tutub.