Norveçli hücumçu Coşua Kinq “Fənərbağça”dan gedib. 90plus.az xəbər verir ki, 32 yaşlı hücumçunun özü İnstagram hesabında bu xəbəri paylaşıb. İstanbul təmsilçisi ilə müqaviləsi bitən norveçli futbolçu klub və  azarkeşlərlə vidalaşıb: “Təəssüf ki, klubdakı vaxtım başa çatdı. Sarı-göy formanı geyindiyim üçün özümü şərəfli hiss edirəm. Zədələr sizə və bu kluba vermək istədiyimi verməyə mane oldu. Müqavilədən əvvəl klub haqqında çox şey bilmirdim, amma bir “Fənərbağça” azarkeşi olaraq buradan ayrılıram. Ümid edirəm ki, növbəti mövsümdə çempion olacaqsınız, çünki ürəyimdə hiss edirəm ki, siz azarkeşlər buna hamıdan çox layiqsiniz. Bu vida deyil, çünki mən dəstək üçün qayıdacağam. Sizə gələcəkdə uğurlar arzulayıram. “Fənərbağça”ya təşəkkür edirəm”. Qeyd : Kinq 2022-ci ildən “Fənərbağça”da çıxış edirdi. Statistikası isə belədir: 54 oyun 12 qol 7 məhsuldar ötürmə.