Konqo Demokratik Respublikası (KDR) Formula-1 yarışlarının Ruandada təşkilinə etirazını bildirib.
90lus.az xəbər verir ki, bu barədə ölkənin baş naziri Tereza Kayikvamba Vaqner Formula-1 rəhbəri Stefano Domenikaliyə rəsmi məktub göndərib.
Sənəddə qeyd olunub ki, Ruanda KDR-in bəzi ərazilərini işğal altında saxlayır və həmin bölgələrdən 700 min konqolu məcburi köçkünə çevrilib. Baş nazir Ruanda hökuməti ilə bu yarışların təşkili üçün aparılan danışıqların dərhal dayandırılmasını tələb edib.
Xatırlatma: Beynəlxalq Avtomobil Federasiyasının (FIA) Ruandada keçirilən qala-gecəsində ölkə prezidenti Pol Kaqame Qran-priyə ev sahibliyi etmək üçün rəsmi müraciət etdiklərini açıqlamışdı.
