"Fənərbağça"nın yeni baş məşqçisi Joze Mourinyo Şükrü Saracoğlu stadionundakı təqdimetmə mərasimində ürək sözlərini deyib. 90plus.az  xəbər verir ki, tədbirdə çıxış edən Mourinyo bunları söyləyib: "Əvvəlcə sevginizə görə təşəkkür edirəm. Mənim adım "Fənərbağça" ilə hallanan ilk andan etibarən göstərdiyiniz sevgini hiss etdim. Normalda məşqçi sevgini qələbəsindən sonra görür, amma mən artıq əvvəldən hiss etdim. Bu mənə böyük bir məsuliyyət verir. Mən də sizin ailənizin bir parçasıyam. Bu ehtirası hiss edə bildiyim ilk andan sizin üçün burada olmaq istədim. Bundan sonra sizin arzularınız mənim də arzularımdır. "Fənərbağça" forması artıq bədənimin bir hissədir". Qeyd : Mourinyo "Fənərbağça" ilə 2 illik müqavilə imzalayıb.