Türkiyənin Antalya şəhərində təlim-məşq toplanışında olan "Qarabağ" bu gün son 2 yoxlama oyununu keçirib. 90plus.az xəbər verir ki, Qurban Qurbanovun komandası əvvəlcə Serbiyanın "Çukariçki" klubu ilə qarşılaşıb. Oyun Ağdam təmsilçisinin 1:0 hesablı qələbəsi ilə başa çatıb. "Çukariçki" hazırda Serbiya Superliqasında 35 xalla 16 komanda arasında 4-cüdür. "Qarabağ" - "Çukariçki" (Serbiya) - 1:0  Qol: Kevin   Medina, 42 "Qarabağ" bu gün digər görüşdə isə Polşanın "Poqon" klubu ilə üz-üzə gəlib. Oyun Ağdam təmsilçisinin 2:4 hesablı məğlubiyyəti ilə yekunlaşıb. "Qarabağ"ın qollarını 49-cu dəqiqədə Marko Veşoviç və 90+4-cü dəqiqəd Abdullah Zubir vurub. "Qarabağ"dan 70-ci dəqiqədə Ramiş Şeydayev, "Poqon"dan isə Leandro Kutris birbaşa qırmızı vərəqə ilə meydandan qovulub. Bu cəza rəqib futbolçu təhqirə görə,Şeydayevə isə onu vurduğuna görə cəzalandırılıb. Hazırda "Poqon" 29 xalla Polşa çempionatında 4-cü yerdədir.  Qeyd edək ki, "Qarabağ" ilk yoxlama matçında Polşa "Rakuv"una 0:3 hesabı ilə uduzub.