Dünən Türkiyədə keçirilən bələdiyyə seçkilərində Kayseridən olan seçici "Qalatasaray"ın futbolçusu Mauro İkardiyə səs verib. 90plus.az xəbər verir ki, ötən il olduğu kimi bu seçkilərdə də bəzi futbolsevərlər qeyri-qanuni şəkildə səsvermə ediblər. 2023-cü il prezident seçkilərində bülletenə “ Çempion Fənərbağça”, “ Ali Koç istefa ” kimi ifadələr yazan azarkeşlər bu seçkidə də bülletenə maraqlı ad yazıblar. "Mənə elə gəlir ki, çarə İkardidir" Sosial şəbəkədə paylaşım edən "Qalatasaray" azarkeşi argentinalı ulduz Mauro İkardiyə səs verib. Sarı-qırmızılı futbol azarkeşi seçki kağızına “ Mənə elə gəlir ki, çarə İkardidir ” yazıb. Digər tərəfdən bu postu paylaşan istifadəçi tənqid olunub. Etibarsız səslər verən tərəfdarlara sərt reaksiyalar gəlib.