Azərbaycan millisinin futbolçusu Vüsal İsgəndərli Türkiyə Superliqasında oynamaq arzusunu dilə gətirib. 90plus.az xəbər verir ki, bunu I Liqada çıxış edən “Boluspor”un yarımmüdafiəçisi yerli mediaya açıqlamasında deyib. 28 yaşlı hücumameyilli oyunçu Bolu təmsilçisində özünü çox yaxşı hiss etdiyini bildirib: “ Burada hər şey ürəyimcədir. Klubun fərqli sistemi var. Vaxt keçdikcə qollarım və assistlərim də gələcək. İndiki mərhələdə əsas Superliqaya yüksəlmək üçün pley-offa vəsiqə qazanmaqdır. Növbəti mövsüm Superliqada oynamaq istəyirəm”. Qeyd : “Boluspor”a bu ilin əvvəlində Albaniya klubu “Eqnatia”dan keçən Vüsal İsgəndərlinin müqavilə müddəti 2026-cı ilin yayına qədərdir.