“Qarabağ” Fransanın “Dijon” klubunun oyunçusu Yassin Benzianı transfer edib. 90plus.az xəbər verir ki, oyunçu Ağdam klubunda 7 nömrəli forma ilə çıxış edəcək. 28 yaşlı hücumameylli yarımmüdafiəçi olan Benzia Fransanın U-21 millisi də daxil olmaqla bir neçə aşağı yaş qrupu üzrə komandalarında oynayıb. O, həmçinin Əlcəzairin əsas millisində 4 oyun keçirib. "Lion", "Fənərbaxça", "Olimpiakos", "Lill", "Hatayspor"da da çıxış edib. Benzia Fransa Liqa-1-də ümumən 131 oyun keçirib, 15 qol vurub və 13 qolun ötürməsini verib.