Roland Qarrosun final qarşılaşmasında dünya reytinqinin ilk iki tennisçisi – Yannik Sinner və Karlos Alkaraz üz-üzə gəlib.

90plus.az xəbər verir ki, möhtəşəm mübarizəyə səhnə olan qarşılaşma 5 set davam edib və nəticədə İspaniyalı raketka ustası Alkaraz 3:2 hesabı ilə qalib gələrək titulun sahibi olub. Bu görüş Roland Qarros tarixinin ən uzun finalı kimi qeydə alınıb – qarşılaşma 5 saat 30 dəqiqə davam edib.

Alkarazdan ilk “Qrand Slam” dönüşü

İspaniyalı tennisçi oyuna zəif başlayaraq 0:2 hesabı ilə geri düşsə də, əzmkarlıq göstərərək matçı çevirməyi bacarıb. Bu, Alkarazın “Böyük Dördlük” turnirlərində 0:2 geridən qələbə qazandığı ilk oyundur.

Qeyd: Alkaraz indiyədək 8 dəfə 0:2 geridə olduğu “Slam” matçlarında heç vaxt qalib gəlməmişdi. Bu dəfə isə möhtəşəm dönüş məhz Roland Qarrosun finalında reallaşdı.

5 saat 28 dəqiqə!!! Karlos Alkarasdan çempionluğun gözyaşları:
https://t.me/doxsanplus/103884