Sezonun ikinci grand slam turnuvası olan “Fransa Açıq”da (“Roland Qarros”) qadınlar təkində final oyunu böyük maraqla keçirildi.

90plus.az xəbər verir ki, dünya sıralamasının 1 nömrəsi, belaruslu Arina Sabalenka ilə 2-ci sıradakı amerikalı Koko Qauff qarşılaşdı.

Final matçında Sabalenka və Qauff arasında gərgin mübarizə oldu. İlk setdə hər iki oyunçu bir-birinin servisini qırdı və set taybrekdə 7-6 hesabı ilə Sabalenka üstün oldu.

İkinci setdə üstünlük Qauffun tərəfində idi və 6-2 hesabı ilə bu seti qazandı, oyunun nəticəsini bərabərləşdirdi.

Son və qərar setində isə üstünlük yenə KoKo Qauffda idi. 6-4 hesabı ilə bitən son setlə birlikdə, 21 yaşlı amerikalı tennisçi iki saat 38 dəqiqə davam edən qarşılaşmanı 2-1 qələbə ilə başa vuraraq, karyerasında ilk dəfə “Roland Qarros”da, ümumilikdə isə ikinci "Qrand slam" turnirində çempion oldu.