Azərbaycan millisinin futbolçusu Renat Dadaşovun çıxış etdiyi "Hatayspor" klubunun qapıçısı Erce Kardeşler komandanın acınacaqlı durumundan danışıb. 90plus.az xəbər verir ki, futbolçu komandanın iç üzü barədə bunları söyləyib: “Köhnəlmiş çörək yeyərək, məşqlərdən sonra duş almadan evimizə gedirik. Saat yarımlıq yolu demirəm hələ. Çox üzülürəm, tək istədiyim "Hatayspor"un liqada qalmasıdır. Mən Hatay xalqı üçün buradayam. Dəfələrlə klubu tərk etmək istəsəm də, ürəyim buna imkan verməyib. Bəlkə bu sözlərimdən sonra kluba sahib çıxarlar". Kardeşler baş məşqçi Volkan Dəmirəlin komandanı tərk etməsi barədə də danışıb: “ Baş məşqçi də bu üzdən getdi. Məşqçilik etmədi, çünki məşqçilikdən başqa hər şey etdi. Yeri gələndə ata, böyük qardaş oldu. İndi meydana çıxa biliriksə, bu, Volkan Dəmirəlin sayəsindədir. Məşqçiliyi məni mraqlandırmaz, amma nə vaxt böyük qardaş kimi çətinə düşərsə, düşünmədən qaçaraq ona kömək üçün gedərəm. Çünki o bizə eynisini etdi. İnşallah, insanlar "Hatayspor"a sahib çıxarlar". Xatırlatma : Renat Dadaşov ötən il İsveçrə təmsilçisi "Qrasshopper"dən "Hatayspor"a icarə ilə gəlib.