Azərbaycan millisinin üzvü Bəxtiyar Həsənalızadənin formasını geyindiyi "Tuzlaspor" Türkiyə birinci liqasını 16-cı pillədə başa vuraraq ikinci liqaya yuvarlanıb. 90plus.az  xəbər verir ki, millimizin digər üzvü Vüsal İsgəndərlinin forma geyindiyi "Boluspor" isə mövsümü 7-ci pillədə başa vuraraq Super Liqaya vəsiqə uğrunda pley-offda iştirak hüququ qazanıb. Komanda pley-offda "Bodrumspor"la qarşılaşacaq.  Ramil Şeydayevin çıxış etdiyi Türkiyənin "Kocaelispor" klubu isə 1-ci Liqanı 6-cı pillədə başa vurub. Komanda Super Liqaya vəsiqə uğrunda pley-offda “Ahlatçı Çorum”la mübarizə aparacaq.