“Fənərbağça”prezidentliyinə namizədliyini irəli sürən Aziz Yıldırım gündəmi silkələyən vəd verib. 90plus.az xəbər verir ki, Yıldırım seçiləcəyi təqdirdə Mourinyonu komandaya baş məşqçi gətirəcəyini söyləyib: ”Artıq “Fənərbağça”lı uşaqların məyus olmasını istəmirik. Bundan sonra "Fənərbağça”nın "O bizim övladımızdır" dediyimiz məşqçilərlə davam etmək kimi lüksü yoxdur. Artıq "Fənərbağça" böyük məşqçilərlə mübarizə aparmalıdır. Keçən həftə Joze Mourinyo ilə üz-üzə görüşdüm. Ona “”Fənərbağça”nın sənə ehtiyacı var, “Sənin də “Fənərbağça”ya ehtiyacın var” dedim, o da bunu müsbət qarşıladı. Böyük ehtimalla, qalib gəlsək, Mourinyonu "Fənərbağça"nın başına gətirəcəm. "Konyaspor" ilə keçirilən oyunumuzu da izlədi. Onun istədiyi oyunçuları da heyətə cəlb edəcəyik”. Mənbə: Trt Spor