PSJ “Liverpul”a qarşı oyundan sonra Dezire Due və Nunu Mendeşlə bağlı müsbət ilkin xəbərlər alıb.

90plus.az xəbər verir ki, hər iki futbolçu Çempionlar Liqasının 1/4 final mərhələsinin cavab oyununda “Enfild”də qazanılan 2:0 hesablı qələbə zamanı zədə səbəbindən meydanı tərk edib və bu, əslində Fransa klubunun dominant çıxışına kölgə salıb.

Due sağ dizindən zərbə alıb və 52-ci dəqiqədə əvəzlənib. Mendeş isə bud arxasında narahatlıq hiss etdiyi üçün daha erkən – 38-ci dəqiqədə oyundan çıxarılıb.

Lakin ilkin tibbi yoxlamalar ciddi narahatlığa əsas vermir.

Komanda Parisə qayıtdıqdan sonra hər iki oyunçu tibbi müayinədən keçib. Klub bildirib ki, Due bir neçə gün nəzarət altında saxlanılacaq və daha sonra komanda ilə məşqlərə qayıdacaq.

Mendeş isə sağ bud nahiyəsində yüngül narahatlıq yaşayır və bu müddətdə müalicə ilə yanaşı zal məşqləri edəcək.

PSJ-nin tibbi heyəti futbolçunun əvvəlki zədələrini nəzərə alaraq Mendeşi daha diqqətlə izləyəcək. Buna baxmayaraq, ümumi vəziyyət optimist qiymətləndirilir.

Hər iki oyunçunun bazar günü Liqa 1 çərçivəsində “Lion”a qarşı keçiriləcək oyunda iştirak edib-etməyəcəyi hələlik bəlli deyil.

Qeyd: Futbolçuların yarımfinal mərhələsinə qədər bərpa olunması üçün təxminən iki həftə vaxtı var. İlk oyun aprelin 28 və ya 29-da, cavab görüşü isə mayın 5 və ya 6-da keçiriləcək. Amma öncə komanda cavab 1/4 finalın oyununda "Real"ı keçməlidir.