Rüfət Abdullazadə Xorvatiya çempionatında ilk asistini etdi.
90plus.az xəbər verir ki, Xorvatiyanın “Varajdin” klubunda çıxış edən azərbaycanlı futbolçu Rüfət Abdullazadə növbəti oyununda fərqlənib.
“Dinamo Zaqreb”ə qarşı matçda ikinci hissənin əvvəlində – 46-cı dəqiqədə meydana daxil olan Abdullazadə, cəmi 6 dəqiqə sonra (52-ci dəqiqədə) komandasının bərabərlik qoluna məhsuldar ötürmə verib.
Bu ötürmə ilə 21 yaşlı yarımmüdafiəçi Xorvatiya çempionatındakı 3-cü oyununda ilk assistini rəsmiləşdirib.
