Dünyaca məşhur idman geyim markası Adidas, 1972-ci il Münhen Olimpiya Oyunlarında istifadə olunan ayaqqabıları yenidən təqdim etmək üçün hazırlanan reklam çarxında Fələstin əsilli məşhur model Bella Hadidi sima olaraq seçmişdi.
90plus.az xəbər verir ki, fələstinəsilli modelin brendin siması olmasına İsrail tərəfdarları reaksiya verdikdən sonra Adidas qərarını dəyişib.
Geyim markası üzrxahlıq edib və brendin siması olan Hadidi reklamdan uzaqlaşdırıb.
Şirkətin qərarından sonra bir çox sosial media istifadəçisi Adidas-a qarşı Hadidi müdafiə edib.
Brendin açıqlaması:
“Bu qərarımızın faciəvi tarixi hadisələrlə əlaqəli olduğunu düşünənlərin fərqindəyik. Amma bu doğru deyil və yaranmış hər hansı narahatlığa görə üzr istəyirik”.
“Biz idmanın bütün dünyanı birləşdirən qüvvə olduğuna inanırıq. Etdiyimiz hər şeydə müxtəlifliyi və bərabərliyi müdafiə etmək üçün səylərimizi davam etdirəcəyik."
