"Arsenal"ın cinah oyunçusu Bukayo Saka rəsmi olaraq klubun əfsanələri ilə eyni sıraya yüksəlib və “Topçular”ın tarixində Premyer Liqada 50+ qol və 50+ assist göstəricisinə çatan yalnız üçüncü oyunçu olub.

90plus.az xəbər verir ki, klubun 24 yaşlı yetirməsi Kai Havertz üçün qol ötürməsi edərək, "Börnli" üzərində 1:0 hesablı qələbə ilə bərabər Premyer Liqadakı 50-ci assistini rəsmiləşdirib.

Bununla da, Saka Dennis Berkamp və Tyeri Anri ilə birlikdə Premyer Liqa dövründə "Arsenal" tarixində 50 qol və 50 assist həddinə çatan tək-tük oyunçular sırasına qoşulub.