Üçqat “Formula 1” çempionu, niderlandlı Maks Ferstappenin atası Yos Ferstappen “Red Bull” komandasının rəhbəri Kristian Horneri cinsi qısnama səbəbilə istefaya çağırıb. ( Cinsi qısnama – iş münasibətlərində olan şəxsi alçaldan və fiziki hərəkətlərdə (toxunma, əllə vurma), ədəbsiz sözlərdə, jestlərdə, hədələrdə, ləkələyici təkliflərdə təzahür edən əxlaqsız davranış) 90plus.az xəbər verir ki, “Daily Mail” bu məlumatı yayıb: “ O, postunda qaldığı müddətdə komandada gərginlik var. Komanda dağılmaq təhlükəsi ilə üz-üzədir və bu davam edə bilməz. O, qurban rolunu oynayır, baxmayaraq ki, problemlərin səbəbkarı özüdür”, - deyə Yos Verstappen bildirib. Fevralın 16-da məlum olub ki, Red Bull əməkdaşlarından biri Horneri cinsi qısnamada ittiham edib. Buna cavab olaraq Horner bu məlumatı dərc edən nəşri məhkəməyə verib, onlardan da təkzib yazmağı tələb edib. Fevralın 28-də “Red Bull” “Formula 1” komandasının rəhbəri Kristian Hornerlə bağlı rəsmi qərar qəbul edib. Şirkət tərəfindən aparılan daxili araşdırmadan sonra ona bəraət verilib, bütün ittihamlar ləğv edilib və o, yarış komandasının rəhbəri vəzifəsini qoruyub saxlayıb.