“Filenin Sultanları” tarix yazdı – Türkiyə ilk dəfə dünya çempionatının yarımfinalında!

90plus.az xəbər verir ki, Türkiyə qadın voleybol millisinin uğurlu seriyası davam edir. Komanda Taylandda keçirilən 2025 FIVB Qadınlar Dünya Çempionatının 1/4 finalında ABŞ-la qarşılaşıb.

Milli oyuna Zehra, Vargas, Hande, Eda, Cansu, Ebrar və liberoda Gizemlə başlayıb.

İlk seti 25:14 hesabı ilə qazanan Türkiyə ikinci seti 22:25 uduzub.

Üçüncü setdə Ebrar və Vargasın effektiv hücumları ilə üstünlük quran millimiz 25:14 hesabı ilə qalib gələrək ümumi hesabda önə keçib – 2:1.

Dördüncü seti də 25:23 qazanaraq matçı 3:1 yekunlaşdıran “Filenin Sultanları” Dünya Çempionatı tarixində ilk dəfə yarımfinala yüksəlib.

Oyunda fərqlənənlər:

• Ebrar – 23 xal
• Vargas – 21 xal
• Eda – 13 xal
• Hande – 9 xal

Türkiyə millisi yarımfinalda sentyabrın 6-da Yaponiyaya qarşı oynayacaq.