“Formula 1” üzrə Avstraliya Qran-prisində mövsümün üçüncü mərhələsində “Ferrari” komandasının ispaniyalı pilotu Karlos Sayns qalib olub. 90plus.az xəbər verir ki, 2-ci yeri “Ferrari” komandasının digər sürücüsü Şarl Lekler tutub. İlk üçlüyü “McLaren”dən britaniyalı Lando Norris tamamlayıb. Hazırkı dünya çempionu, “Red Bull” komandasının pilotu Maks Ferstappen dördüncü dövrədə əyləc diskinin yanması səbəbindən yarışdan çıxıb. FOTO Həmçinin “Mercedes”in britaniyalı pilotları Lüis Hemilton və Corc Rassel yarışı tamamlaya bilməyiblər. Qeyd : “Formula 1”in növbəti mərhələsi aprelin 5-dən 7-dək Yaponiyada keçiriləcək.