Şahmat üzrə 16-cı dünya çempionu Maqnus Karlsen Bakıda qidadan zəhərləndiyini bildirib. 90plus.az azpost.info-ya istinadən xəbər verir ki, bu barədə FİDE-nin mətbuat xidməti dünya çempionunun açıqlamasını yayıb. Maqnus Karlsen Bakıda keçirilən dünya çempionatının yarımfinalında azərbaycanlı Nicat Abasovla görüşdən sonra zəhərləndiyini bildirib. “Normal vəziyyətdə yəqin ki, bir az üstünlüyüm olacaqdı. Çünki bir gün istirahət edərdim. Rəqibim  isə dünən çətin tay-breyk oynamalı idi. Amma son bir neçə gündə olduqca pis vəziyyətdə idim. Nicat Abasovla oynayandan sonra qidadan zəhərləndim. Son iki gündür yemək yeyə bilmirəm. Buna görə də mən çox sakit idim. Çünki əsəbi olmağa gücüm yox idi"  -deyə Beynəlxalq Şahmat Federasiyasının (FIDE) mətbuat xidməti Karlsendən sitat gətirir. Norveçli qrossmeyster bu gün Bakıda keçirilən dünya çempionatının final mərhələsinin ilk oyununda hindistanlı, 18 yaşlı Rameşbabu Praqnanandha ilə heç-heçə oynayıb. İkinci partiya avqustun 23-də keçiriləcək.