“Los Anceles Leykers”in basketbolçusu Lebron Ceyms Denver klubu ilə qarşılaşmada 26 xal toplayıb. 90plus.az NBA rəsmi saytına istinadla xəbər verir ki, o, bütün karyerası ərzində 40 min xal həddini keçib və Milli Basketbol Assosiasiyası (NBA) tarixində indiyədək heç kimin nail ola bilmədiyi uğura çatıb. 39 yaşlı Lebron Ceyms bir il öncə Kərim Əbdül-Cabbarı (38 387 xal) geridə qoyaraq NBA-nın karyera xalları üzrə lideri olub. Ceyms 2008-ci ilin fevralında 10 min, 2013-cü ilin yanvarında 20 min, 2018-ci ilin yanvarında 30 min xal həddini keçib. Qeyd : Ceymsin rekorduna baxmayaraq, Los Anceles ev oyununda Denverə 114:124 hesabı ilə uduzub. Ən məhsuldar oyunçu isə serb Nikola Yokiç (Denver, 36 xal) olub.