Formula 1 üzrə 2025 mövsümünün 6-cı yarışı öncəsi keçirilən sprint yarışında britaniyalı pilot Lando Norris birinci yeri tutaraq vacib xal qazanıb.

90plus.az xəbər verir ki, “Mayami Beynəlxalq Avtodrom”da baş tutan və 5,4 kilometrlik trasda keçirilən sprint yarışında pilotlar 18 dövrə vurublar. “McLaren” komandasının pilotu Norris 36 dəqiqə 37.647 saniyəlik nəticə ilə finiş xəttini ilk keçərək 8 xalı aktivinə yazdırıb.

Onun komanda yoldaşı, avstraliyalı Oskar Piastri 0.672 saniyə fərqlə ikinci olub. “Ferrari”nin Böyük Britaniyadan olan pilotu Lyuis Hemilton isə Norrisdən 1.073 saniyə geridə qalarq üçüncü pillədə qərarlaşıb.

“Red Bull” komandasının son dünya çempionu, hollandiyalı Maks Ferstappen isə gözlənilmədən sprint yarışını yalnız 17-ci sırada başa vurub.