"Qalatasarayda Günay Güvenç dönəmi başa çatır.
90plus.az xəbər verir ki, “Qalatasaray”da əsas qapıçı Uğurcan Çakırın arxasında ehtiyat oyunçu kimi çıxış edən Günay Güvençin mövsüm sonunda klubdan ayrılması ehtimalı gündəmə gəlib. Təcrübəli qapıçıya birinci qapıçı olma imkanı verəcək bir neçə təklif olduğu bildirilir.
Bu vəziyyəti nəzərə alan “Qalatasaray” rəhbərliyi, yeni mövsümdə qapıçı ehtiyacını qarşılamaq üçün gənc və perspektivli bir oyunçu ilə müqavilə bağlamağı planlaşdırır.
Gündəmə gələn əsas namizəd isə “Konyaspor”un 20 yaşlı qapıçısı Deniz Ertaşdır. Gənc qapıçı bu mövsüm göstərdiyi çıxışlarla U21 Milli Komandasına qədər yüksəlib və gələcəyin ulduzu olaraq qiymətləndirilir. “Qalatasaray”ın sezon sonunda Deniz Ertaş üçün “Konyaspor”la danışıqlar aparacağı gözlənilir.
