“Mançester Yunayted” Kobbi Meynu ilə yeni müqavilə imzalamağa hazırlaşır.

90plus.az xəbər verir ki, “Mançester Yunayted” gənc ulduzu Kobbi Meynu ilə yeni müqavilə bağlamağa yaxındır. Klubun akademiya yetirməsi olan yarımmüdafiəçi bu gün ailəsi ilə birlikdə Karrinqton bazasında müqaviləyə imza atmaq üçün iştirak edir - SullyTalkz.

Məlumata görə, yeni razılaşma futbolçuya həftəlik təxminən 135 min funt sterlinq (158 min avro) baza maaş qazandıracaq. Müqavilədə həmçinin performansa əsaslanan bonuslar da yer alacaq ki, bu da ümumi qazancı daha da artıracaq.

19 yaşlı Meynu son mövsümdə “qırmızı şeytanlar”ın əsas heyətində mühüm fiqurlardan birinə çevrilib. Onun çıxışı klub rəhbərliyinin diqqətindən yayınmayıb və nəticədə tərəflər uzunmüddətli əməkdaşlıq barədə razılığa gəliblər.

Yeni müqavilə “Mançester Yunayted”in gənc futbolçulara verdiyi önəmin daha bir göstəricisi kimi qiymətləndirilir.