36 yaşında Aleksis Sançes La Liqaya qayıtdı.

90plus.az xəbər verir ki, Cənubi Amerika futbolunun əfsanəsi sayılan çilili hücumçu Aleksis Sançes transfer pəncərəsinin son günündə “Sevilya” ilə müqavilə imzalayıb.

“Udineze” ilə yollarını ayıran futbolçu Andalusiya klubu ilə 1 illik müqavilə bağlayıb. Bu transfer “Sevilya”nın Badé, İdumbo və Lukebakionun satışından əldə etdiyi vəsait sayəsində mümkün olub.

İdman direktoru Antonio Kordonun rəhbərlik etdiyi idarəçilik heyəti Sançesin böyük təcrübəsinin çətin dövrdən keçən komandaya kömək edəcəyinə ümid edir.

Bio: Karyerasında 900-dən çox oyun keçirən və 250 qol vuran Sançes “River Pleyt”, “Barselona”, “Arsenal”, “Mançester Yunayted”, “İnter” və “Marsel” kimi klubların formasını geyinib. Ötən mövsüm isə uğursuzluq yaşamışdı – cəmi 14 oyuna çıxıb, qol vurmayıb.

Baş məşqçi Matias Almeyda isə onun dirçələcəyinə inanır və Sançesi hücum xəttində Akor Adams və İsak Romero ilə birlikdə istifadə etməyi planlaşdırır.