“Amedspor” Türkiyə Super Liqasına yüksəldi!
90plus.az xəbər verir ki, Türkiyə I Liqasında (TFF 1. Liqa) mövsümün əsas hissəsinə yekun vurulub.
"Amedspor" uğurlu çıxışı ilə diqqət çəkib. Diyarbakır təmsilçisi mövsümü 74 xalla 2-ci pillədə başa vuraraq birbaşa Super Liqaya vəsiqə qazanıb.
Çempionatın qalibi olan "Erzurumspor" da elitaya yüksələn digər komanda olub.
Super Liqaya yüksələcək 3-cü komandanın adına isə pley-off oyunlarından sonra aydınlıq gələcək.
Beləliklə, növbəti mövsümdə Türkiyə Super Liqasında yeni simalardan biri “Amedspor” olacaq.
