“Formula 1” Dünya Çempionatında mövsümün 13-cü mərhələsi olan Belçika Qran-Prisi ilə həyəcan davam edir. Yarış Belçikanın məşhur "Spa-Francorchamps" avtodromunda keçiriləcək.
90plus.az xəbər verir ki, 7 kilometrlik trasda baş tutacaq yarış 44 dövrə üzərində təşkil olunacaq. Bu gün sprint təsnifat mərhələsi keçiriləcək, sabah isə BSİ 14:00-da sprint yarışı, BSİ 18:00-da isə sıralama turları başlayacaq. Əsas yarış isə 27 iyul Bazar günü, BSİ 17:00-da reallaşacaq.
Piastri liderliyini qoruyur
İndiyədək mövsümdə:
-
“McLaren” pilotlarından Oskar Piastri 5 dəfə,
-
Lando Norris 4 dəfə,
-
“Mercedes” pilotu Corc Rassell 1 dəfə,
-
son dünya çempionu “Red Bull” pilotu Maks Ferstappen isə 2 dəfə qalib gəlib.
Pilotlar sıralaması (ilk 5):
-
Oskar Piastri (Avstraliya) – 234 xal
-
Lando Norris (Böyük Britaniya) – 226
-
Maks Ferstappen (Hollandiya) – 165
-
Corc Rassell (Böyük Britaniya) – 147
-
Şarl Lekler (Monako) – 119
Komandalar sıralaması (ilk 5):
-
“McLaren” – 460 xal
-
“Ferrari” – 222
-
“Mercedes” – 210
-
“Red Bull” – 172
-
“Williams” – 59
Spa trasında baş tutacaq Belçika Qran-Prisi, mövsümün ən önəmli döngələrindən biri sayılır və xüsusilə hava şəraiti səbəbilə sürpriz nəticələrlə yadda qalması ilə tanınır.
