"Çelsi"nin futbolçusu Nqolo Kante klubla müqaviləsini 2026-cı ili yayına qədər uzada bilər.  90plus.az xəbər verir ki, bu barədə tanınmış italyan jurnalist Nikolo Şkira öz "Tvitter" hesabında məlumat yayıb. Bildirilib ki, "Çelsi" fransalı yarımmüdafiəçisi ilə yeni müqavilə ilə bağlı danışıqları davam etdirir. Kantenin London klubu ilə hazırkı müqaviləsi 2023-cü ilin iyununda başa çatır. Qeyd edək ki, 31 yaşlı futbolçu 2016-cı ildən "Çelsi"də çıxış edir.