Premyer Liqa təqvimdə dəyişiklik etdi – azarkeşlər narazıdır.
90plus.az xəbər verir ki, İngiltərə Premyer Liqası mövsümün sonuna yaxın bir sıra oyunların tarixində dəyişikliklər edib. Qərar əsasən bir neçə klubun sıx oyun qrafiki ilə üzləşməsi səbəbindən verilib.
Yenilənmiş cədvələ əsasən, “Mançester Siti” – “Kristal Pelas” qarşılaşmasının yeni tarixi müəyyənləşdirilib. Bundan əlavə, 37-ci turun bəzi oyunları da dəyişdirilib və Böyük Britaniyada canlı yayımlanacaq matçlar təsdiqlənib.
Ən çox diqqət çəkən dəyişikliklərdən biri “Mançester Siti”nin oyunları ilə bağlıdır. "Şəhərlilər"in “Çelsi” ilə FA Cup finalında mayın 16-da “Uembli”də qarşılaşacaq. Əvvəlcədən planlaşdırılan “Bornmut” matçı isə mayın 17-nə təyin olunmuşdu. Yeni qərara əsasən bu oyun mayın 19-da keçiriləcək.
Eyni gündə "Çelsi" ilə "Tottenham Hotspur" arasında da qarşılaşma baş tutacaq.
Dəyişikliklər digər klublara da təsir edib. "Arsenal" mövsümdəki son ev oyununu əvvəlcə mayın 17-də “Börnli”yə qarşı keçirməli idi. Lakin yeni təqvimə əsasən bu görüş bir gün sonraya – mayın 18-nə salınıb. Məhz bu qərar “topçular”ın azarkeşlərinin narazılığına səbəb olub.
Sosial şəbəkələrdə azarkeşlər Premyer Liqanı sərt tənqid ediblər. Onlar dəyişikliklərin azarkeşlərin planlarını pozduğunu və qərarların tərəfdarların maraqları nəzərə alınmadan verildiyini bildiriblər.
Digər tərəfdən, “Aston Villa” – “Liverpul” və “Nottingem Forest” – “Mançester Yunayted” oyunlarının tarixləri isə Avropa Liqasının yarımfinal nəticələrindən asılı olacaq. Qalib komandanın Premyer Liqa oyunu mayın 15-də keçiriləcək.
Premyer Liqa isə bu dəyişikliklərin əsas səbəbinin mövsümün son mərhələsində yaranan sıx təqvim olduğunu açıqlayıb.
