”Atletiko Madrid”in baş məşqçisi Dieqo Simeone Çempionlar Liqasında mübarizəni dayandırdıqları “Real Madrid” matçı (Ümumi hesab: 2-2, Penaltilər: 2-4) barədə emosional çıxış edib.

90plus.az xəbər verir ki, penaltilər zamanı  Xulian Alvarezin qol vurmuş kimi görünməsi, lakin qolun ikiqat toxunuş səbəbilə VAR tərəfindən ləğv edilməsi 54 yaşlı argentinalı mütəxəssisi özündən çıxartdı:

”Əgər kimsə Alvarezin topa 2 dəfə toxunduğunu görübsə, əlini qaldırsın. Heç kim əlini qaldırmır.

VİDEO: https://t.me/doxsanplus/99604

"Mən heç vaxt penaltilər seriyası zamanı penaltiyə baxmaq üçün VAR çağırışını görməmişəm.

Çox xoşbəxtəm, çünki məğlub olsaq da, onları əziyyətə saldıq".

"Biz, şübhəsiz ki, dünyanın ən yaxşı komandası ilə rəqabət aparırıq. “Liverpul”un baş məşqçisi də bunu bir neçə gün əvvəl dedi. Onlar Çempionlar Liqasında çox güclü bir komanda olduqlarını davamlı olaraq sübut edirlər".