Azərbaycan milli komandasının Avro-2024-ün seçmə mərhələsində Estoniya ilə bugünkü səfər oyunu üçün 23 nəfərlik sifariş ərizəsi müəyyənləşib. 90plus.az UEFA-nın rəsmi saytına istinadən xəbər verir ki, yığmamızın baş məşqçisi Canni De Byazi "Zirə"nin yarımmüdafiəçisi Rüstəm Əhmədzadə və "Qarabağ"ın hücumçusu Nəriman Axundzadəni iştirak ərizəsinə daxil etməyib. Estoniya ilə oyun üçün 23-lüyə Şahrudin Məhəmmədəliyev ("Adana Demirspor" Türkiyə), Səlahət Ağayev ("Səbail"), Rəşad Əzizli ("Qəbələ"),Cəlal Hüseynov ("Arda" Bolqarıstan), Anton Krivotsyuk – ("Daejon Hana" Cənubi Koreya), Rahil Məmmədov, Elvin Cəfərquliyev,  Toral Bayramov (hamısı "Qarabağ"), Bəxtiyar Həsənalızadə ("Tuzlaspor" Türkiyə), Höccət Haqqverdi ("Neftçi"), Qismət Alıyev ("Zirə"), Yusif Nəbiyev ("Səbail"), Aleksey İsayev ("Sabah"), Coşqun Diniyev ("Ümraniyespor" Türkiyə), Eddi İsrafilov ("Neftçi"), Elvin Camalov ("Sabah"), Emil Səfərov ("Qəbələ"), Emin Mahmudov, Filip Ozobiç (hər ikisi "Neftçi"),  Ozan Can Kökçü ("Eyndhoven" Niderland), Mahir Emreli ("Dinamo" Zaqreb, Xorvatiya), Musa Qurbanlı ("Yurqorden" İsveç), Ramil Şeydayev ("Buriram Yunayted" Tailand), Renat Dadaşov ("Hatayspor"(Türkiyə) daxil edilib. Xatırladaq ki, bu gün keçiriləcək Estoniya - Azərbaycan matçı Bakı vaxtı ilə saat 20:00-da başlanacaq.