Türkiyədəki zəlzələ qurbanlarının sığınacaq ehtiyaclarına töhfə verməyi hədəfləyən 'Omuzomuza' kampaniyası idman kanallarının birgə yayımı ilə baş tutur. 90plus.az xəbər verir ki, birgə yayımda klub prezidentləri,  futbolçular, məşqçilər, idman mətbuatı və sənət ictimaiyyətindən tanınmış adlar  iştirak edir. “Mançester Siti”nin baş məşqçisi Pep Qvardiola, “Liverpul”un baş məşqçisi Yurgen Klopp və Arsen Venger, əfsanəvi futbolçular Kaka və Quti kimi dünya şöhrətli futbol adamları kampaniyaya öz töhfələrini verəcəklər. İyunun 15-də başa çatacaq uzunmüddətli kampaniya zamanı əldə olunacaq gəlirlər zəlzələ bölgəsində vətəndaşların mənzil ehtiyaclarının ödənilməsinə yönəldiləcək.