Xorvatiyanın paytaxtı Zaqrebdə keçirilən Avropa çempionatında Azərbaycanın sərbəst güləş yığması ilk medalını qazanıb. 90plus.az xəbər verir ki, Əliabbas Rzazadə 57 kq çəki dərəcəsində qitə birinciliyinin qalibi olub. O, finalda türkiyəli Süleyman Atlıya vaxtından əvvəl 12:2 hesabı ilə qalib gəlib. Bu, Rzazadənin karyerasında ilk Avropa çempionluğudur.  Bu gün həmçinin, Hacı Əliyev (70 kq) qızıl medal uğrunda Ramazan Ramazanovla (Bolqarıstan), Maqomedxan Maqomedov (97 kq) Givi Matçaraşvili (Gürcüstan) ilə qarşılaşacaq.  Səbuhi Əmiraslanov (79 kq) bürünc medal uğrunda Axsarbek Qulayev / Hetik Çabolov cütünün qalibi ilə üz-üzə gələcək.