"Neftçi"nin futbolçusu Höccət Haqverdi Azərbaycan milli komandasının düşərgəsini tərk edib. 90plus.az AFFA-nın saytına istinadən xəbər verir ki, ötən il noyabrın 20-də Şimali Makedoniya ilə keçirilən beynəlxalq yoldaşlıq oyununda qırmızı vərəqə ilə cəzalandırılan futbolçu İordaniya millisinə qarşı matçda iştirak edə bilməyəcəyi üçün milli komandadan ayrılıb. Xatırladaq ki, millimiz sentyabrın 12-də beynəlxalq yoldaşlıq oyunu çərçivəsində “Dalğa Arena”da İordaniya millisi ilə qarşılaşacaq. Görüş saat 20:00-da başlayacaq.