Azərbaycan milli komandasının futbolçusu Renat Dadaşov bu gün Türkiyə Superliqasında debüt edə bilər. 90plus.az xəbər verir ki, 24 yaşlı mərkəz hücumçunun yeni komandası "Hatayspor" 5-ci turda "Fatih Karagümrük" komandasının qonağı olacaq. Oyun Bakı vaxtı ilə saat 21:00-da başlanacaq. "Hatayspor"un sosial mediada bu matç üçün paylaşdığı posterdə R.Dadaşovun şəkli yer alıb. Qeyd edək ki, Volkan Demirelin komandası 4 oyundan 6 xalla 10-cu yeri tutur. "Fatih Karagümrük" isə 4 matçdan 4 xalla 13-cü pillədə qərarlaşıb.